POCTEFA
txinbadia

Mugaz haraindiko
natura-guneen ingurumen-hezkuntzako,
erabilera publikoko eta kontserbazioko sarea


Txinbadia

Mugaz gaineko natura-guneen erabilera publikorako
eta zaintzarako sarea

TXINBADIA mugaz gaindiko sare bat da, Txingudiko badiako espazio naturalen erabilera publikoaren kudeaketara, kontserbaziora eta ingurumen-hezkuntzara zuzentzen dena. Bisitarientzako arretako eta ingurumen-hezkuntzako 4 ekipamendutan egituratzen da sarea, eta ekipamendu horietatik egiten dira, halaber, espazio naturalak kudeatzeko lanak.

Espainia–Frantzia–Andorra Lurralde Lankidetzako Programa Eragilearen (POCTEFA) esparruan 2007-2013 aldian egindako proiektu baten babesean (TXINBADIA; EFA186/11) sortu zen sarea, eta 2014 eta 2015 artean gauzatu zen bigarren proiektu bati esker (TXINBADIA 14-15; EFA271/13) finkatu zen sarea (bigarren proiektu hori ere POCTEFA proiektu bat zen). Nolanahi ere, bi espazio horien arteko elkarlana aurretik hasi zen, eta Txingudiko badiaren eta Domaine de Abbadia eremuko taldeen ingurumen-hezkuntzako elkarlanean oinarritzen zen.

TXINBADIA+ (EFA054/15) da lankidetza-sare horrekin lotzen den hirugarren proiektua. POCTEFA proiektuen 2014-2020 aldirako 1. deialdian onartu zen, eta LANTALDEAK ETA ESPAZIO NATURALAK GAITZERA ZUZENTZEN DA, ERABILERA PUBLIKOA ETA KONTSERBAZIOA BATERAGARRI EGITEKO HELBURUAREKIN.

Proiektuaren helburua da, besteak beste:

  • Beste lurralde-eragile batzuk barnean hartuko dituen elkarlanerako dinamika berriak garatzea;
  • Espazio naturaletako bisitarien eta erabiltzaileen artean sentsibilizazioa areagotzea;
  • Badiako habitaten eta espezieen kontserbazio-egoera eta kalitatea hobetzea;
  • TXINBADIA sarea Europa mailan kokatzea.

5 erakundek osatzen dute proiektu horien garapenerako lankidetza:

  • Eusko Jaurlaritzak, Natura Ingurunearen eta Ingurumen Plangintzaren Zuzendaritzaren bitartez. Proiektuen buru gisa dihardu.
  • Pirinio Atlantikoetako Departamentuak.
  • Euskal Itsasertzeko Ingurumenaren aldeko Ekimenen Zentro Iraunkorrak.
  • Itsasbazterreko Kontserbatorioak.
  • Hendaiako Udalak.

GVCG64 Hendaia KontserbatorioaCPIE

Txinbadia - tel: +33 (0) 559 20 37 20 | HARREMANA | Legezko oharrak | iF Diseinuak - 2012